Rumoh-rumoh "Doi! tonton"

Au oku nokolo nokuro tu haro tukun tokou katama mangakun okon ko tulun
kadazandusun.nga iti nokanto komoyon do moden,

surita diti nga haro nogi doti kotobayaan tokou, Nga montok disongulun tanak wagy,au isio naakalan soira nokosoromo songulun sumandak di nadala-dala do au minangakun tulun dusun.Tanak wagu nopo kaaka dino nga minooi karaja kilang hilo kuala lumpur.
Ontok timpun kaaka pakaraja dino norikot ginawo di tanak wagu dooigahan, aiso di tambalut..Tulun nopo semenanjung oh koruhang dau pakaraja. yau nga nakatanud-tanud nodi mimboros miagal do Malaya.
Insan tadau ko ongoi kaaka tanak wagu hilo seksyen kualiti tu haro pootodon dau barang. Id seksyen dino, koimuriai dau songulun sumandak, “dusun no kaanto lo.” Kano kaaka id suang ginawo di tanak wagu. Insan tadau ongoi ih tanak wagu insomok di sumandak. “ Umandak dusun ko kio? Kaaka di tanak wagu minuhot. Au kaaka suminbar ih sumandak miampai do au mingkurongou-rongou. “ umandak …alaid ko no hiti,? Ka no kaaka wagu tanak wagu dino nga mogot po om sumirot ih umandak.
Kosuabai kaaka uhoto no wagu di kusai ih sumandak do “Umandak… nonggo tadon nu?” ka no kaaka di tanak wagu. “ Ape nii…you cakap ape nii? Tak fahamlah,” kaaka di sumandak. Pomolosu-losuan po matu nopurimanan di tanak wagu. Nung haro nopo daa nokokito nga nakaragang no kaanto wuros dau miagal do rogimot naansak.
Osubalaan nodi kaaka id tanak wagu, kumaraja po di nga au atantangan topurimanan. “Daapo dika umandak…dusun k obo…tokito ku,” ka nodi kaaka id suang ginawo di tanak wagu.
Miagal kasaari, ontok sosodopon soira do aawi timpu karaja, oinsanan pakaraja sumakai do iso bas kilang mogowit muli hilo asrama kilang.
Andadon no kaaka di tanak wagu ih sumandak diri do muli, saira do sumalakoi id bas ongoyo no kaaka di tanak wagu susuko tunturu oh tobik di sumandak diri nga kapangkis do” Doi! Tonton,”kaaka di sumandak nokotigog.
Kowili kaaka wagu ih sumandak nga kosondikot dau nokito ih tanak wagu id saru mongoi pogudiyo dau.
“ andi kio nga dusun ko umandak ?” kaaka di tanak wagu minonugat di sumandak. Mantad nakantakan dino nokopikuntik kaaka di tanak wagu om sumandak.

Alansan oko do au da antakan miagal diti kumaa tulun tokou, tu iti nopo bogia nga man nopo rumoh-rumoh kio…

Kounsikou mantad dogo,
vinst