Ogumu moti poombitanan nosusui kokomoi do mogoudut. Haro no ih poombitanan id boros malayu do “ isaai gia mangakun do nakatai id tindalanon,” ka.
Ogumu gia tulun do akapai oh pogogolim, sundung yau sanganu kasalaan nga uhang nogi potondos kumaa di wokon, au mangakun, ka.
Ingkaa no naantakan kuminaa do iso doribo teksi di misoguli mogowit tulun id pialatan do Keningau om KK.
Insan tadau id KK, soira nosontob monokisolod do doribo teksi ngawi, korumpos nodi apat tulun do penumpang dau.
Pamanau nodi kaaka teksi dino, naantakan do iri doribo dau nga tulun tokou. Koubasan nogi do ontok mamanau, iri nopo oubas mogiboboros nga om misosorita no gisom korikot id rikoton. Nga haro nogi miodop-odop tu kogutan matu.
Maha kaaka mindirikot nodiid Gunung Emas, tigog kaaka dau soromin nga hiri ih tontut mogowutong, nouwung matu do air-cond.
“Heee....isai dikoyu nokoontut?,” kaaka di doribo minuhot nga mogot po om haro tongoiso mngakun sundung do sonsompon-sompon po do todung.
Ih doribo kaaka di nga okon nogi ko tumogod yau muhot miagal di, noopo kaaka dau do mudiyo.
Osonong kaaka gia tu rumuhuk nodi matu id Tambunan, nakatalib-talib no kaanta longkod Reflesia, nakatalib nodi kaaka winutong di tontut.
Iri wookon nga haronodi kaaka miodop-odop. Okon po di do alamaian koodop do popouni kaaka gia if doribo kisit tongosonong. Kisit matu sinding-sinding nakalaid di Ambrose Mudi toi ko ih Justin Stimol.
Otopot om araatan no kaaka ih doribo di do aiso ka om aiso mangakun do nokoontut. “Poingkuro ma di tigig ka do nowutong do aiso no kopio nokoontut?,' ka no kaaka id ginawo di.
Kaanu kaaka yau do akal nga “ daapo korikot po id Keningau, oilaan ku ih kasaari isaai nokoontut,” kaaka wagu ginawo di doribo.
Osongulunan po di doribo momusorou do aiso do tambalut dau mirumo-rumo. Oinsanan kaaka penumpang ddau nokoodop. Moruk-goruk nogi wookon, gisom sonlingai-lingai oh tulu mogionsot do osimpuk do teksi.
Korikot kaaka di Keningau om lintuhun nodi ngawi ih penumpang. Mipugag-pugag po wookon tu au po motu nababasan do poingodop.
Nakabarai nodi kaaka ngawi tambang ih apat-apat penumpang do teksi di. Tikit diolo mnanaak tambang do RM 20 songulun.
“Eh! Ada lagi yang belum bayar tambang ini, “ kaaka di doribo. Sopisorot-sirot po ngawi kaaka ih penumpang tu yoolo nga kokito nogi do oinsanan nga nakabarai no.
“ yang kentut tadi belum bayar tambang,” kaaka di doribo.
“Maana ada...sia sudah bayar bah...” kaaka di singulun nga kadapatai nodi di doribo nung isaai ih nokoontut.
Au no tomod mangakun di timpuun po, pangakun di kolintuhun mantad teksi.
iri nopo boh kaaka serita di.. man nopo rumoh-rumoh...
kopirubah tokou wagu
vinst
No comments:
Post a Comment