TULU DO TOUTONG

Hilo nopo id iso nuluw kampung Kopungit, doros Walai Pongubatan Queen Elizabeth nga haro iso luang tanaru.

Boros ka do mogigiyon id kampung dino om luang nopo kaaka dino nga luang lilisokon do Jepun ontok di mononjepun po.

Id iso kinoiyonon, au noilaas nung hinonggo, haro nogi kaaka luang miagal dino. Id suang nopo do luang dino nga haro songinan tuju (tudu ka do wookon).

Tumalib nopo kaaka id doros do luang dino nga au no atahanan oh wongi tu outong tomod ih tuju. Iri nopo tapahai-pahai oh todung nga ahadan ih do kosingud, ka.

Insan tadau pomonsoi no kaaka ih komulakan ngawi id kampung dino program pertandingan mitahan-tahan nung isaai kasangal sumuang id luang dino.

Korikot kaaka tadau piboaian diri nga ogumu tulun tumanud. Potimpuuno kaaka saringan pertama nga kogumuan do kobontol nogi di luang om gumungguli notu au tomod atahanan winutong di tuju id suang di luang.

Korikot kaaka timpu final nga apat po tulun noolu. Iri nopo kaaka songulun nga Dusun, ih songulun nopo nga Timur ( toiko Ohm ka do tulun), ih songulun nga Singh (kaling di haro rilit do tulu).

Kumoisa kaaka sinuhu sumuang ih Bajau. Ongoi kaaka yau suang nga haro no do limo minit om labus no tomod yau.

“Huuuu.....au atahanan,” kaaka di bajau mimboros id boros dau miampai do mirig-wirig po.

Susuhut no wagu suminung ih Ohm. Bajaam-jaam nodi kaaka om kakal po di Ohm id suang. Osomok ih di tulun ngawi do au kaandad di ohm lumabus. Ondos nopo wagu di wookon om napatai no ih Ohm id suang.

Maha kaaka minduruhai no do apat jam nga labus ih Ohm. “Heee...tida taahan itu bau,” kaaka di Ohm. Intangai kaaka ngawi di tulun oh tinan di Ohm nga nokosilou-silou ih.

Susuhut no kaaka ih Dusun suminuang. “Noubas no bo tulun tokou do outong,” kaaka Dusun dino miagal do osumbung-sumbung. Haro no kaaka duwo pitanga jaam nga labus no yau.

“Atuk-atuk...au mala kopio atahanan,” kaaka Dusun dino.

Kopupuson nopo di kaaka nga ih Singh oh suminuang. Kirilit-rilit oh tulu Singh kaling-kaling dino. Haro no kaaka pitanga jam nga labus no ih tuju toutong tomod. Iri po ngawi kaaka tulun songingandad id labus nga tuminiyas nowutangan di tuju luminabus.

Haro nodi ngawi wookon tulun dino tuminakad, haro ih wookon minindakod do kayu, mada do awayaan do tuju luminabus dino.

Susuhut kaaka wagu luminabus nga ih Singh. Lobi-lobi po di kaaka winutong di Singh luminabus.
Intangai nopo kaaka nga noidu no di Singh oh rilit tulu dau pinorohot monompon do todung om kabang.

Iri nopo kaaka tokobuk di Singh nga poindahakap po miagal tobuk do Alletcats, miagal ko bataun-taun no do au nopodsu.

Hiri no kaaka id tulu diSingh oh nontodon do wiutong di au adala-dala.

Om iri nogi winutong id tulu di Singh dino nakalabus-labus di tuju. Au no kaaka ih tuju nakatahan kosingud do tulu di Singh tu lobi-lobi po di winutong.

Korikot kaaka id kpoilaan nung isaai nakamanang, noistihar kaaka do aiso nakamanag, tu ih Singh nga nodisqualified tu tipu kaling ih kaaka gia.

nopoposan nodi kaaka sorita diti,aharap oku do ingga da okukuwaan tu iti nopo nga man tokou nopo do rumoh-rumoh..kio

mantad dogo
vinst..

Paganakan Ku

kopisanangan kumaa toinsanan,

iti no paganakan ku, molohing ku nopo do kusai nga Paulos Dontuk om molohing ku nopo do tondu nga Applonia Patrick Matinjal,yoho tanak do gulu mantad 3 tulun miadi-adi.

Koruhang ku nopo nga Emildah Valantine om haro tolu tulun oh tanak dagai, tanak dagai do gulu Eric Vitalis Vincent, suhuton di Emanual Velery Vincent om tohuri nopo nga Ernest Vick Vincent.

TANAK OGUWEL

Pakakaraja nopo baino nga okon ko oindai no id kakadaian tagayo ngawi. Kogumuan nogi sangkosuaian pakaraja id kampong-kampung miampai moniwa do walai tulun kampong.

Koubasanan no di tongotimur toi ko Ohm do pakaraja id kabun ngawi tulun kampong om poingiyon miampai gaganakan toi ko tinimungan diolo id walai kampong.
Waro di kawalaian sontimbang-timbang. Id iso walai dino noiyanan do tulun Ohm ih pakaraja mananom do sayur i=di songulun gundohing id kampong.

Sundung do ingkaa nga osonong kaaka Ohm dino, ohurumat do tulun kampong nga au ma noilaan do alaalaid.

Waro di tanganak totiil toi ko oguwel au milo barasaan. Mirikau-rikau kaaka pitangadau ih tina toi tama tanganak dino doungkoulian maturu mantad sokid.
Umbal po kaaka tanganak ngwi dino do osintautomod. Hino-hino om mindakod om tumuhun wagu kaaka nga oguyu nopo walai. “Eh! Kadada kou bo, nokuro kou dino tu au milo barasaan?”’ kaaka di tina tanak dino nga okan nogi minsayau oh tanak dino, Bobos kaaka di tina dou mogoduw nga au nopo ih tanganak mokinongou.

Tigog po di kaaka om poboros ih tina do, “ Ohm.. Kau tolong kasih takut itu budak jajal betul ,’’

Osikap no kaaka tomod ih Ohm minongindorosi di tanganak miampai minoboros do “hei… budak, jangan lari-lari,” kaaka di Ohm,
Impiipiro kaaka ih Ohm minongindorosi di tanganaknga au nopo tomod ih tanganak mokinongou, santangkus-tangkus om sontuhun-tuhun nogi.
Umbal po kaaka di Ohm do apanganakan do au kooduw di tanganak minggangau nga poboros kaaka idi Ohm, “ hei…budak , jangan kamu bising, nanti sia rogol kau punya mama,’’
Kotigog kaaka ih tina nokorongou do miagal diri boros di Ohm. Intong-intong nogi wagu kaaka ih Ohm sumuau-suau di tina nga kosuai nopo nopurimanan di tina do rumosi di Ohm.
Singgarat kaaka nopurimanan di tina nga pogidu yau mantad walai diri minooi id sampaping . Tukono nogi oh tina dino do agangau ih tanganak, momorutum po di Ohm do minting-intong miampai minoboros momorogal.

Bah..iti cerita mana tokou nopo do rumoh-rumoh boh kio, aharap oku do iso da oh moninganu. kounsikou,
vinst